मनसुनजन्य विपद् जोखिमको पूर्व तयारीको लागि यस गाउँपालिका अन्तर्गतका प्रहरी चौकीहरुलाई आधारभूत सामाग्रीहरु वितरण गरिएको छ।

म्यागङ गाउँपालिकाको अध्यक्ष श्री आशा तामाङ ज्यूको अध्यक्षता तथा बागमती प्रदेश सभा सदस्य माननीय रमेश कुमार महतज्यूको प्रमुख आतिथ्यतामा यस म्यागङ गाउँपालिकालाई अनिवार्य तथा निशूल्क शिक्षा लागु भएको स्थानीय तह घोषणा कार्यक्रम सु-सम्पन्न गरियो।

यस गाउँपालिकाको कार्यालयको प्रमुख प्रशासकीय अधिकृतको रुपमा आउनुभएका श्री विनोद कुमार अधिकारीज्यू सरलाई स्वागत सँगै परिचयत्मक तथा कार्यालयको गतिविधि एवंम सुशासन कायम सम्बन्धी अन्तरक्रिया कार्यक्रम गरियो।

बागमती प्रदेश सरकार आर्थिक मामिला तथा योजना मन्त्रालयका अर्थ मन्त्री माननीय श्री बहादुर सिंह लामाज्यूको विशेष पहल तथा गाउँपालिकाका श्रीमान अध्यक्षज्यू लगायत पदाधिकारीज्यूहरुको अनुरोध एवंम् सक्रियतामा म्यागङ गाउँपालिका वडा नं. ३ स्थित श्री देउराली प्राथमिक स्वास्थ्य केन्द्रको लागि नेपाल-भारत मैत्री विकास साझेदारी कार्यक्रम अन्तर्गत उपहार स्वरुप सुविधा सम्पन्न एम्बुलेन्स प्राप्त गर्न सफल भएकोमा सहयोग गर्नुहुने सम्पूर्ण महानुभवहरुमा हार्दिक आभार व्यक्त गर्दछौँ। साथै यसबाट म्यागङबसीहरुको स्वास्थ्य सेवालाई सहज तथा गुणस्तरीय हुनेमा गाउँपालिका विश्ववता रहेको छ ।